ஸ்ரீ சரவணகுமார்

முத்துக்குமார் தீயாய் இன்று எல்லோர் மனதிலும்

2010-01-31T08:18:00.000-08:00

முழுதாக ஒரு வருடம் ஓடி விட்டது. இனம் அழிவது கண்டு தமிழகத்திலிருந்து உண்மையில் போராடிய முதல் வீரனான முத்துக்குமரன் வீரமரணம் அடைந்து இன்றோடு ஒரு வருடம் ஆகிறது. எது நடக்கக் கூடாது என்று தன் உயிரைப் பணயம் வைத்தானோ அதற்கும் மேலாகவே எல்லாம் நடந்து விட்டது. உணர்வுகள் ஏதுமற்று தன் குடும்பம், தன் சுற்றம் என்று மட்டும் வாழ்ந்து மண்ணோடு மக்கிப் போகும் கோடிக் கணக்கான மக்கள் வாழும் நாட்டில் அவன் கோரிக்கைகள் குப்பைத் தொட்டியில் போடப்பட்டன. ஒரு மிருகம் முத்துக்குமாரா யார் என்று கேட்டது. அதிகாரப் பேய்கள் சூழ்ந்து கொண்டு முத்துக்குமாருக்காகக் கூடிய கூட்டத்தை வஞ்சகமாய் கலைத்தன. நம் எதிரிகள் அனைவரும் முன்னை விட பலம் பொருந்தியவர்களாக ஆகி விட்டனர். துரோகிகள் அனைவரும் செல்வச் செழிப்பில் திளைத்துக் கொண்டிருக்கின்றனர். தனித்து விடப்பட்ட இனம் இப்போது எந்த திசையிலிருந்து நம்பிக்கை ஒளி வரும் என்று எட்டு திக்கும் பார்த்துப் பார்த்து சோர்ந்து போயுள்ளது.

அடிமையாகப் பிறந்து, அடிமையாக வாழ்ந்து அடிமையாகவே சாக ஆசைப்படும் ஒரு இனத்தில் பெரியாரும், பிரபாகரனும் முத்துக்குமரனும் பிறந்தது அதிசயமான நிகழ்வுகள் தான். பெரியார் ஏற்றி வைத்த தீபம் நம்மை ஓரளவேனும் சுய மரியாதையோடு வாழ வைத்துள்ளது. தலைவர் பிரபாகரன் ஏற்றி வைத்த தீபம் விடுதலைத் தீயாய் இந்த உலகிற்கு தமிழினத்தை அடையாளப்படுத்தியிருக்கிறது. முத்துக்குமரன் ஏற்றி வைத்த தீபம் உணர்வுள்ள எல்லோர் மனதிலும் களங்கமற்ற உறுதியை ஏற்படுத்தி உள்ளது.

என்றோ ஒரு நாள் முத்துக்குமரனின் நினைவு நாள் தமிழீழத்தில் நடக்கும் என்ற உறுதியோடு முத்துக்குமரனுக்கு வீரவணக்கம் செலுத்துவோம்

எமது மக்களை வாழவிடுங்கள் - அமைதி ஒன்று கூடல்

2009-10-01T04:17:00.001-07:00

அமைதி ஒன்று கூடல் - எலியட்ஸ் கடற்கரை, பெசன்ட் நகர் பின்புறமாய், அக்டோபர் 02, வெள்ளிக்கிழமை மாலை 5.00 மணிக்கு

சிதம்பரத்திற்கு எதிராக பரப்புரையில் ஈடுபட்டு வந்த தகவல் தொழில் நுட்பதுறையை சேர்ந்த வல்லுனர்கள் 13 கைது

2009-04-25T22:20:00.000-07:00

மத்திய அமைச்சர் சிதம்பரத்திற்கு எதிராக பரப்புரையில் ஈடுபட்டு வந்த தகவல் தொழில் நுட்ப துறையை சேர்ந்த வல்லுனர்கள் 13 பேர் நேற்று இரவு ஆலங்குடியில் 188, 147, 153(a), 504, 505 போன்ற செக்ஷன்களின் கீழ் கைது செய்யப்பட்டு உள்ளனர்

இலங்கை சம்பந்தமாக துண்டு பிரசுரம் கொடுக்கக் கூடாது என்று ஏதோ சட்டம் இருப்பதாகவும் அதை மீறியதற்காக கைது செய்கிறோம் என்று போலிஸ் சொல்லி இருக்கிறது.

நண்பர்கள் மக்களிடம் பிரசுரித்த துண்டு பிரசுரம் இந்த மெயில் உடன் இணைக்கப் பட்டுள்ளது

கைது செய்யப்படுவதை படம் பிடித்த தினத்தந்தி நிருபர் காவல் துறையினரால் தாக்கப்பட்டுள்ளார். அவருடைய புகைப்படக் கருவியும் பிடுங்கப் பட்டுள்ளது

துண்டு பிரசுரம்

காங்கிரசை தோற்கடிப்போம்! பா.சிதம்பரத்தை தோற்கடிப்போம்!

காங்கிரசை ஏன்?

ஈழத்தமிழர்களுக்கு எதிரான இராஜபக்சேயின் இனபடுகொலைக்கு முழு ஆதரவு வழங்கக்கூடிய கட்சியாக காங்கிரசு முன் நிற்கிறது. இராஜீவ் காந்தியின் மரனத்திற்கு ஈழத்தமிழர்களின் உயிரை பலி கேட்கிறது. ஈழத்தில் ஒரு தமிழினக் குழந்தை கூட உயிரோடு இருக்கக் கூடாது என்று யுத்தம் நடத்தும் இராசபக்சேயின் சிங்கள வெறித்தனதிற்கு சற்றும் குறைந்தது அல்ல காங்கிரசின் பலிவாங்கும் வெறித்தனம்.
சிங்கள ரானுவத்திற்கான யுத்த ஆயுதங்கள், யுத்த பயிற்சிக்கு இடவசதி, யுத்த பயிற்சி, பணவசதி என்று காங்கிரசு அரசு செய்யும் கயவாளிதனத்தனங்கள் எனற்றவை. உலகம் முழுவதும் ஈழத்தமிழர்களின் இனப்படுகொலைக்கு எதிராக போராட்டங்களும், கண்டன குரல்களும் எழ்ந்தவன்னம் இருக்கிறது. தமிழகத்தில் முத்துகுமார் முத்லாக பல தோழர்கள் தீக்குளித்து தங்கள் எதிர்ப்பை தெரிவித்திருக்கிறார்கள். எவன் செத்தால் எனக்கென்ன என்று காங்கிரசு மட்டும் தமிழினபடுகொலைக்கு தனது முழு ஆதரவை அளித்து வருகிறது. நம் விரலை கொண்டு நம் கண்ணையே குத்துகிற காங்கிரசையும், பா.சிதம்பரத்தையும் நாம் என்ன செய்யமுடியும்? தோற்கடிக்கமுடியும். ஆம், நம்மால் முடியும். இந்த தேர்தலில் காங்கிரசையும், பா.சிதம்பரத்தையும் தோற்கடிக்க மாணவர்கள் சட்டவல்லுநர்கள், விவசாயிகள், தொழிலாளர்கள், எழுத்தாளர்கள், திரைதுரையினர் என்று நாடு தழுவிய அளவில் நாங்கள் ஒன்றிணைந்து நிற்கிறோம்.

எங்களோடு நீங்களும் இணைந்திடுங்கள்.

உங்களால் முடியும் !

பா.சிதம்பரத்தை தோற்கடிப்பதற்கான பணிகளில் முழுநேரத் தோழராக பணியாற்றலாம்.

குறிப்பிட்ட நாட்களில் மட்டும் பணியாற்றலாம்.

பிரச்சாரத்திற்கான பொருட்கள் வழங்கலாம். (குறுந்தகடுகள், துண்டரிக்கைகள், சுவரொட்டிகள்)

பணிபுரியும் தோழர்களின் உணவு, போக்குவரத்து, இடவசதிக்கான செலவினங்களுக்கு உதவலாம்.

தமிழீழ படுகொலைகள் குறித்த ஆவணங்களை, பா.சிதம்பரம் பற்றிய தகவல்களை எங்களுக்கு அளிக்கலாம்.

இந்த துண்டரிக்கையை உங்கள் நன்பர்கள் கவனத்திற்கு கொண்டு செல்லலாம்.

மேற்கண்டவற்றில் எது உங்களால் முடியும் என்பதை நீங்களே தேர்வு செய்யுங்கள். இந்திய அரசியல் அமைப்பை மாற்றியமைக்கும் பணியில் நீங்களும் இருக்கிறீர்கள் என்பதை எங்களுக்கு உறுதிபடுத்துங்கள்.

பா.சிதம்பரத்தை ஏன்?

காங்கிரசின் தமிழ்நாட்டுத் தூண், பொருளாதாரப்புலி என்றெல்லாம் புகழப்படும் பா.சிதம்பரத்தின், பட்ஜெட்டால், 10,000க்கும் அதிகமான விவசாயிகள் தற்கொலைக்கு தள்ளப்பட்டிருக்கிறார்கள். பன்னாட்டு தொழில் நிறுவனங்கள், உள்நாட்டு பண முதலைகளுக்கும் பல்லிளிக்கும் பா.சிதம்பரம் இந்த தேசத்தின் முக்கிய தேவைகளான இலவச கல்வி மற்றும் மருத்துவத்திற்கான் நிதியை குறைப்பது எதற்காக? அத்தியாவசிய பொருட்களின் மீதான வரியை கூட்டுவதற்கு எதற்காக? இவற்றிலிருந்து சுருட்டபட்ட நிதிமூலதானத்தின் ஒரு பங்கு ஈழதமிழ் மக்களை கொல்வதற்காக பயன்படுகிறது.
நமது வரிபணத்தில் நம் மக்கள் கொல்லும் பா.சிதம்பரத்தை தேர்தலில் தோற்கடிப்போம்.

உண்ணாவிரதம் இருந்த பெண்க‌ளிட‌ம் காவ‌ல்துறை‌யின‌ர் அ‌த்து‌‌‌மீற‌ல்

2009-04-21T23:59:00.000-07:00

உண்ணாவிரதம் இருந்த பெண்க‌ளிட‌ம் காவ‌ல்துறை‌யின‌ர் அ‌த்து‌‌‌மீற‌ல்

இல‌ங்கை‌யி‌ல் அ‌ப்பா‌வி த‌‌மிழ‌ர்க‌ள் கொ‌ல்ல‌ப்படுவதை தடு‌த்து‌ ‌நிறு‌த்த‌க் கோ‌ரியு‌ம் உடனடியாக அ‌ங்கு போ‌ர் ‌நிறு‌த்த‌ம் ஏ‌ற்பட வ‌லியுறு‌‌த்‌தியு‌ம் கட‌ந்த 10 நா‌ட்களாக உ‌ண்ணா‌விரத‌‌ம் மே‌ற்கொ‌ண்டு வரு‌ம் பெ‌ண்க‌‌ளிட‌‌ம் காவ‌ல்துறை‌யின‌ர் அ‌த்து‌‌மீ‌றி நட‌ந்து கொ‌ண்டன‌ர். உட‌ல் ‌நிலைமை மோசமாக இரு‌ந்த 5 பெ‌ண்களை காவ‌ல்துறை‌யின‌ர் கைது செ‌ய்து மரு‌த்துவமனை‌யி‌ல் சே‌ர்‌‌த்தன‌ர்.

இலங்கையில் போரை நிறுத்த வலியுறுத்தி பல்வேறு பெண்கள் அமைப்பை சேர்ந்த 100 பெண்கள் சென்னையில் சாகும் வரை உண்ணா விரதம் மேற்கொண்டனர். பொது இடத்தில் உண்ணாவிரதம் இருக்க அவர்களுக்கு அனுமதி தராததால் ம.தி.மு.க. அலுவலக வளாகத்தில் உண்ணாவிரதம் இருந்தனர்.

10-வது நாளாக உண்ணாவிரதம் இருக்கும் பெண்கள் மிகவும் சோர்வுடன் காணப்பட்டனர். அவர்களில் 5 பெண்களின் நிலை மிகவும் மோசமாக இருந்தது. ம.தி.மு.க. அலுவலகத்தில் படுத்து தூங்கி போராட்டம் செய்து வரும் அவர்களை இன்று காவ‌ல்துறை‌யின‌ர் கைது செய்தனர்.

காவ‌ல்துறை இணை ஆணைய‌ர் ரவிக்குமார், துணை ஆணையர் அன்பு ஆகியோர் தலைமையில் 150க்கும் மேற்பட்ட காவ‌ல்துறை‌யின‌ர் இன்று அதிகாலை 5.45 மணியளவில் தாயகம் சென்றனர். அங்கு தூங்கிக் கொண்டிருந்த பெண்களை தட்டி எழுப்பி உடல்நிலை மோசமாக இருந்த 5 பெண்கள் யார்? என்று விசாரித்தன‌ர்.

எத‌ற்காக ‌விசா‌ரி‌க்‌கி‌றீ‌ர்க‌ள் எ‌ன்று பெ‌ண்க‌ள் கே‌‌ள்‌வி கே‌ட்டன‌ர். அ‌ப்போது, ‌நீ‌ங்க‌ள் உ‌ண்ணா‌விரத‌ம் இரு‌க்க கூடாது எ‌ன்று‌ம் ‌மீ‌றி இரு‌ந்தா‌ல் ‌கைது செ‌ய்வோ‌ம் எ‌ன்று கா‌வ‌ல்துறை‌யின‌ர் கூ‌றின‌ர்.

நா‌‌ங்க‌ள் காலை கடனை க‌ழி‌த்து ‌வி‌ட்டு வரு‌கிறோ‌ம் எ‌ன்று பெ‌‌ண்க‌ள் கூ‌றின‌ர். ‌இத‌ற்கு கா‌வ‌ல்துறை‌யின‌ர் அனும‌தி‌க்க மறு‌த்து ‌வி‌ட்டன‌ர். பி‌ன்‌ன‌ர் ‌விடா‌ப்‌பிடியாக அவ‌ர்க‌ள் க‌ழிவறை‌க்கு செ‌ன்றன‌ர். அ‌ப்போது கா‌வ‌ல்துறை‌யின‌ர் ‌பி‌ன் தொட‌ர்‌ந்து செ‌ன்றன‌ர். அவ‌ர்க‌ள் க‌ழிவறை‌க்கு‌ள் செ‌ன்றவுட‌ன் கா‌வ‌ல்துறை‌யின‌ர் கதவை மூடின‌ர். இத‌ற்கு பெ‌ண்க‌ள் அமை‌ப்‌பின‌ர் கடு‌‌ம் க‌ண்டன‌ம் தெ‌ரி‌வி‌‌த்தன‌ர்.

‌பி‌ன்ன‌ர் உட‌ல் ‌நிலை மோசமாக இரு‌ந்த ஜெயம‌ணி, சும‌தி, த‌ங்கம‌ணி, லோகநாய‌கி, ‌சி‌த்ரா தே‌வி ஆ‌கியோ‌ரை கா‌வ‌ல்துறை‌யின‌ர் கைது செ‌ய்து செ‌ன்னை கீழ்ப்பாக்கம் அரசு மருத்துவமனைக்கு கொண்டு சென்றனர். அ‌ங்கு அவ‌ர்களு‌க்கு கா‌வ‌ல்துறை பாதுகாப்புடன் சிகிச்சை அளிக்கப்படுகிறது.

இ‌த‌னிடையே செ‌ய்‌தியாள‌ர்க‌ளிட‌ம் பே‌சி பெ‌ண்க‌ள் அமை‌ப்‌பின‌ர், முதலமை‌ச்ச‌ர் கருணா‌நி‌தி நாளை அ‌றி‌வி‌த்து‌ள்ள வேலை ‌நிறு‌த்த‌ம் ஒரு க‌ண்துடை‌ப்பு நாடக‌ம் எ‌ன்று‌ம் எ‌ங்க‌ளிட‌ம் காவ‌‌ல்துறை‌யின‌ர் நட‌ந்து கொ‌ண்ட ‌வித‌ம் க‌‌ண்டி‌‌க்க‌த்த‌க்கது எ‌ன்று கூ‌றின‌ர்.

காங்கிரசை தோற்கடிப்போம்!

2009-04-19T11:20:00.000-07:00

காங்கிரசை தோற்கடிப்போம்! பா.சிதம்பரத்தை தோற்கடிப்போம்!

காங்கிரசை ஏன்?

ஈழத்தமிழர்களுக்கு எதிரான இராஜபக்சேயின் இனபடுகொலைக்கு முழு ஆதரவு வழங்கக்கூடிய கட்சியாக காங்கிரசு முன் நிற்கிறது. இராஜீவ் காந்தியின் மரனத்திற்கு ஈழத்தமிழர்களின் உயிரை பலி கேட்கிறது. ஈழத்தில் ஒரு தமிழினக் குழந்தை கூட உயிரோடு இருக்கக் கூடாது என்று யுத்தம் நடத்தும் இராசபக்சேயின் சிங்கள வெறித்தனதிற்கு சற்றும் குறைந்தது அல்ல காங்கிரசின் பலிவாங்கும் வெறித்தனம்.
சிங்கள ரானுவத்திற்கான யுத்த ஆயுதங்கள், யுத்த பயிற்சிக்கு இடவசதி, யுத்த பயிற்சி, பணவசதி என்று காங்கிரசு அரசு செய்யும் கயவாளிதனத்தனங்கள் எனற்றவை. உலகம் முழுவதும் ஈழத்தமிழர்களின் இனப்படுகொலைக்கு எதிராக போராட்டங்களும், கண்டன குரல்களும் எழ்ந்தவன்னம் இருக்கிறது. தமிழகத்தில் முத்துகுமார் முத்லாக பல தோழர்கள் தீக்குளித்து தங்கள் எதிர்ப்பை தெரிவித்திருக்கிறார்கள். எவன் செத்தால் எனக்கென்ன என்று காங்கிரசு மட்டும் தமிழினபடுகொலைக்கு தனது முழு ஆதரவை அளித்து வருகிறது. நம் விரலை கொண்டு நம் கண்ணையே குத்துகிற காங்கிரசையும், பா.சிதம்பரத்தையும் நாம் என்ன செய்யமுடியும்? தோற்கடிக்கமுடியும். ஆம், நம்மால் முடியும். இந்த தேர்தலில் காங்கிரசையும், பா.சிதம்பரத்தையும் தோற்கடிக்க மாணவர்கள் சட்டவல்லுநர்கள், விவசாயிகள், தொழிலாளர்கள், எழுத்தாளர்கள், திரைதுரையினர் என்று நாடு தழுவிய அளவில் நாங்கள் ஒன்றிணைந்து நிற்கிறோம்.

எங்களோடு நீங்களும் இணைந்திடுங்கள்.

உங்களால் முடியும் !

பா.சிதம்பரத்தை தோற்கடிப்பதற்கான பணிகளில் முழுநேரத் தோழராக பணியாற்றலாம்.

குறிப்பிட்ட நாட்களில் மட்டும் பணியாற்றலாம்.

பிரச்சாரத்திற்கான பொருட்கள் வழங்கலாம். (குறுந்தகடுகள், துண்டரிக்கைகள், சுவரொட்டிகள்)

பணிபுரியும் தோழர்களின் உணவு, போக்குவரத்து, இடவசதிக்கான செலவினங்களுக்கு உதவலாம்.

தமிழீழ படுகொலைகள் குறித்த ஆவணங்களை, பா.சிதம்பரம் பற்றிய தகவல்களை எங்களுக்கு அளிக்கலாம்.

இந்த துண்டரிக்கையை உங்கள் நன்பர்கள் கவனத்திற்கு கொண்டு செல்லலாம்.

மேற்கண்டவற்றில் எது உங்களால் முடியும் என்பதை நீங்களே தேர்வு செய்யுங்கள். இந்திய அரசியல் அமைப்பை மாற்றியமைக்கும் பணியில் நீங்களும் இருக்கிறீர்கள் என்பதை எங்களுக்கு உறுதிபடுத்துங்கள்.

பா.சிதம்பரத்தை ஏன்?

காங்கிரசின் தமிழ்நாட்டுத் தூண், பொருளாதாரப்புலி என்றெல்லாம் புகழப்படும் பா.சிதம்பரத்தின், பட்ஜெட்டால், 10,000க்கும் அதிகமான விவசாயிகள் தற்கொலைக்கு தள்ளப்பட்டிருக்கிறார்கள். பன்னாட்டு தொழில் நிறுவனங்கள், உள்நாட்டு பண முதலைகளுக்கும் பல்லிளிக்கும் பா.சிதம்பரம் இந்த தேசத்தின் முக்கிய தேவைகளான இலவச கல்வி மற்றும் மருத்துவத்திற்கான் நிதியை குறைப்பது எதற்காக? அத்தியாவசிய பொருட்களின் மீதான வரியை கூட்டுவதற்கு எதற்காக? இவற்றிலிருந்து சுருட்டபட்ட நிதிமூலதானத்தின் ஒரு பங்கு ஈழதமிழ் மக்களை கொல்வதற்காக பயன்படுகிறது.
நமது வரிபணத்தில் நம் மக்கள் கொல்லும் பா.சிதம்பரத்தை தேர்தலில் தோற்கடிப்போம்.

துவக்கக் கூட்டம்:

தெய்வநாயகம் பள்ளி(c.d.nayagam), வெங்கட்நாராயணா சாலை, தியாகராயர்நகர், சென்னை- 17. திருப்பதி தேவசதனம் எதிர்புரம்.

ஏப்ரல்- 20 திங்கட்கிழமை

மாலை- 4.00 மணி

தொடர்புக்கு: 9003154128 / saynotocongress@gmail.com

இவண்

முத்துகுமார் மக்கள் எழுச்சி இயக்கம்

போலீஸ் அராஜகம் - உண்ணாநோன்பிருந்த மாணவர்கள் வலுக்கட்டாயமாக கைது

2009-01-27T22:21:00.000-08:00

இலங்கையில் நடக்கும் இனப்படுகொலைக்கு எதிராகவும் அங்கு நடக்கும் போரை நிறுத்த சொல்லி வலியுறுத்தியும் கடந்த ஏழு நாட்களாக தொடர்ந்து உண்ணாநிலை போராட்டம் நடத்திய செங்கல்பட்டு சட்டக் கல்லூரி மாணவர்களை இன்று காலை 6:30 மணிக்கு காவல் துறையினர் வலுக்கட்டாயமாக கைது செய்துள்ளனர். கைது செய்யப் பட்ட அனைவரும் மருத்துவமனையில் அனுமதிக்கப் பட்டுள்ளனர். ஓரளவு தெம்பாகவும் நடக்கக் கூடிய நிலையிலும் இருந்த மாணவர்களை கைது செய்து மருத்துவமனையில் அனுமதித்தப் பின்னர் ஊடகங்களுக்கு தவறான தகவலை கொடுத்துள்ளனர் போலீஸார். கைது நடவடிக்கையை மறைத்து மாணவர்களின் உடல்நிலை கவலைக்கிடமாக இருந்ததன் பொருட்டே அவர்கள் மருத்துவமனையில் அனுமதிக்கப்பட்டதாக ஊடகங்களுக்கு தகவல் கொடுத்துள்ளனர். கைது செய்யும் போது அங்கிருந்த நம் நண்பர்கள் புகைப்படமோ, வீடியோவோ எடுத்து விட முடியாத நிலையில் அவர்களின் கைகளை இருக்கமாக பிடித்துத் தடுத்துள்ளனர். பொங்கி எழும் உணர்வுகளை நீர்த்து போக என்னவெல்லாம் செய்ய முடியுமோ அத்தனையும் செய்கிறது மாநில அரசு. ஜனநாயக நாட்டில் ஏழு நாட்களாக குடிமக்களில் சிலர் அறவழியில் உண்ணாநோன்பிருக்கின்றனர். என்ன ஏது என்று கேட்பதற்கு மாநில அரசிற்கும் துணிவில்லை, மத்திய அரசிற்கும் மனமில்லை. இந்த அழகில் குடியரசு தினத்தை மட்டும் கோலாகலமாக கொண்டாடிக் கொள்கின்றோம்.

காலவரையற்ற உண்ணாநிலை போராட்டம்- இலங்கையில் போர்நிறுத்தம் கோரி செங்கல்பட்டில் சட்டக்கல்லூரி மாணவர்கள் காலவரையற்ற உண்ணாநிலை போராட்டம்

2009-01-23T23:02:00.000-08:00

ஈழத்தமிழர் படுகொலையை நிறுத்தக்கோரி செங்கல்பட்டில் 14 சட்டக்கல்லூரி மாணவர்கள் நேற்று(22.01.2009) முதல் காலவரையற்ற உண்ணாநிலைப் போராட்டத்தில் ஈடுபட்டுள்ளனர்.
வட்டாட்சியர் மற்றும் காவல்துறையினர் உண்ணாநிலைப்போராட்டத்தை கைவிட வற்புறுத்திய பொழுது எங்களை கைது செய்தாலும் நாங்கள் உண்ணாநிலைப்போராட்டத்தினை தொடருவோம் என்றுக்கூறி இன்று மூன்றாவது நாளாக போராட்டத்தில் ஈடுபட்டுள்ளனர்.

போராட்டத்தில் ஈடுபட்டுள்ள மாணவர்கள் விவரம் :

1) திருமுருகன்
2)இராச்குமார்,
3) மணிவேல்
4) விசயகுமார்
5) இராசா
6) பிரவீன்
7) முனீசுகுமார்
8)ஆறுமுகநயினார்
9)சுரேசு
10) கெம்புக்குமார்
11) பிரபு
12) மூர்த்தி
13) இராசதுரியன்
14) முஜீபீர் ரகுமான்

இன்று மூன்றாவது நாளாக உண்ணாவிரதத்தை தொடர்ந்தும் எந்த ஒரு ஊடகமும் இதை கண்டுக் கொள்ளவில்லை.

இலங்கை போர் - ஐ.டி மக்கள் நடத்தும் மனித சங்கிலி போராட்டம்

2008-11-14T00:29:00.000-08:00

தமிழினத்திற்கு எதிராக இலங்கையில் நடக்கும் போரை எதிர்த்து கணிப்பொறி நிறுவனங்களில் வேலை செய்பவர்களும் கணிப்பொறி படிக்கும் மாணவர்களும் சேர்ந்து இந்த மனித சங்கிலி போராட்டத்திற்கு ஏற்பாடு செய்துள்ளார்கள். ஐ.டி துறையில் வேலை செய்வதால் இது போன்ற நிகழ்வுகளில் எதுவும் செய்ய இயலவில்லையே என்ற ஆதங்கம் என்னை போன்ற பலரிடம் இருந்தது. இதை ஏற்பாடு செய்தவர்களுக்கு நன்றி.போராட்டத்தில் மிக அதிகமான பேர் கலந்து கொள்வார்கள் என்ற எதிர்பார்க்கிறோம்.

இனப் போராட்டமும் தொலைக்காட்சி சீரியலும் -- சாரு நிவேதிதா

2008-04-29T07:54:00.000-07:00

http://charuonline.com/may2008/piriyanka.html

ராஜீவ் காந்தியின் மகள் ப்ரியங்கா கடந்த மார்ச் 19-ஆம் தேதி வேலூர் சிறைக்குச் சென்று அங்கே ஆயுள் தண்டனைக் கைதியாக இருக்கும் நளினியை நேரில் சந்த்த்துப் பேசியிருக்கிறார். இந்தச் செய்திக்கு இந்திய ஊடகங்கள் கொடுத்த முக்கியத்துவதைப் பார்க்கும் போது, இந்திய ஊடகம் எப்போதுமே ஒரு செய்திப் பசியுடன் அலைந்து கொண்டிருப்பதுபோல் தோன்றுகிறது.

ஒரு தேசியக் கட்சியின் தலைவரின் மகள், தன் தந்தையைக் கொன்ற குற்றவாளி நளினியுடன் சந்திப்பு என்பதாக பரபரப்பான தலைப்புச் செய்திகள் வெளியாகியுள்ளன. இதில் ஆச்சரியத்துக்கோ பரபப்புக்கோ என்ன இருக்கிறது என்று புரியவில்லை. ஊடகங்கள் அரசியல்வாதிகளையும், நீதிமன்றத்தையும், மற்றும் பல அரசு நிறுவனங்களையும் - சமயங்களில், பாராளுமன்றம், சட்டமன்றங்களையும் கூட - விமர்சிக்கின்றன. ஆனால், இந்திய ஊடகம் எப்போதாவது தன்னைத்தானே விமர்சித்துக் கொள்ள முன்வந்திருக்கிறதா?

தில்லியில் ஒரு பள்ளி ஆசிரியை தன்னுடைய மாணவிகளை வைத்து நீலப்படம் எடுத்ததாக இந்தியா முழுவதும் எவ்வளவு பரபரப்பாக ஒரு செய்தி பரவியது! ஆனால், கடைசியில் அந்தச் செய்தியே ஒரு பொய் என்று அம்பலமானது. எந்தக் குற்றமும் செய்யாத அந்தப் பள்ளி ஆசிரியைக்கு ஊடகங்களிலேயே நடந்த ஒரு நீதி விசாரணையையும், அதனால் அந்தப் பெண் அடைந்திருக்கக்கூடிய துன்பங்களையும் யாரால் ஈடுகட்ட முடியும்?

இப்போதெல்லம் ஊடகங்களின் பரபரப்பு ஆர்வம் கிட்டத்தட்ட ஒருவித necrophilic நிலையையே அடைந்து கொண்டிருக்கிறதோ என்று சந்தேகப்பட வைக்கிறது.

ப்ரியங்கா, நளினி இருவருமே வரலாற்றில் படிந்திருக்கும் வன்முறை என்ற ஒன்றினால் பாதிக்கப்பட்டவர்கள். ப்ரியங்கா இளம் வயதில் தன் தந்தையைப் பறி கொடுத்தவர். நளினி இளம் வயதிலேயே மரண தண்டனை பெற்று, பின்னர் அது ஆயுள் தண்டனையாக மாற்றப்பட்டு 17 ஆண்டுகளாக சிறையில் இருப்பவர். இந்த இருவரும் சந்திப்பதில் என்ன ஆச்சரியம் இருக்க முடியும்? மேற்கு நாடுகளில் இதெல்லாம் சகஜமாக நடக்கக் கூடிய விஷயங்கள். இந்தியாவில்தான் இன்னமும் பழிக்குப் பழி, கண்ணுக்குக் கண், கொலைக்குக் கொலை என்ற காட்டுமிராண்டித்தனமான மனோபாவத்தை சில அடிப்படைவாதிகள் (fundamentalists) தூண்டிவிட்டுக் கொண்டிருக்கிறார்கள். இதையே ஊடகங்களும் பின்பற்றுவது ஜனநாயக மரபை நோக்கிய நமது பயணத்துக்கு எவ்விதத்தில் துணை செய்வதாக இருக்க முடியும்?

இந்தப் பரபரப்புச் செய்திகளில் அடிபடும் சொற்றொடர்களைப் பார்த்தால் அதிலும் தனிப்பட்ட மனிதர்கள் குறித்த மாண்புகள் எதுவும் காப்பற்றப் படுவதாகத் தெரியவில்லை. ராஜீவ் கொலையாளியுடன் ப்ரியங்கா சந்திப்பு என்கின்றன பத்திரிகைச் செய்திகள். அப்படியானால் நளினி ராஜீவ் கொலையில் நேரடியாகச் சம்பந்தப்பட்டிருக்கிறாரா?

ப்ரியங்கா நளினியைச் சந்தித்தபோது அவரிடம் அடிக்கடி "ராஜீவ் காந்தியைக் கொலை செய்யத் திட்டமிட்டது யார்?" என்று கேட்டிருக்கிறார். அதற்கு நளினி, "கொலைத் திட்டம் குறித்து கடைசி நிமிடம் வரை எனக்கு எதுவும் தெரியாது. சிவராசன், சுபா, தனு ஆகியோர் எங்கள் வீட்டுக்கு வருவார்கள். தந்தையின் ஆதரவு இல்லாமல் தவித்துக் கொண்டிருந்த நான், அவர்கள் காட்டிய அன்புக்கு அடிமையாகி விட்டேன். ஸ்ரீபெரும்புதூர் கூட்டத்துக்குச் சென்ற போது, வெகு தூரத்தில் இருந்துதான் என்னால் ராஜீவ் காந்தியைக் காண முடிந்தது. கொலைக்குத் திட்டமிட்டது யார் என்பது மனித வெடிகுண்டாக செயல்பட்ட தனுவுக்கும், சிவராசனுக்கும் தெரிந்திருக்கலாம்" என்று கூறியிருக்கிறார்.

இந்தப் பிரச்சினையில் நளினி கொலைகாரர் என்பதற்கோ, கொலைக்கு உடந்தையாக இருந்தார் என்பதற்கோ நமக்கு சாட்சியங்கள் எதுவும் இல்லை. சிவராசனும், தனுவும் நளினிக்கு நண்பர்கள் என்ற ஒரே ஒரு விஷயம்தான் நளினி கொலைகாரர் என்று தண்டனையளிக்கப் பட்டிருப்பதற்குக் காரணம். ஆனால் நளினிக்கு அளிக்கப்பட்ட தண்டனையோ மரண தண்டனை. சோனியாவின் குறுக்கீட்டால்தான் அது ஆயுள் தண்டனையாகக் குறைக்கப்பட்டது.

ஆனால், பொதுவாக ஆயுள் தண்டனை என்பது எத்தனை ஆண்டுகள்? 14 ஆண்டுகள் என்பதே வழக்கத்தில் உள்ள நடைமுறை. நளினியோ 17 ஆண்டுகளாக சிறையில் இருந்து வருகிறார்.

பொதுவாக, சரியான ஆதாரம் இல்லவிட்டால் தரப்படும் 'Benefit of Doubt' என்ற சலுகை கூட நளினிக்கு அளிக்கப் படவில்லை. ஒரு நிமிடம் இப்படி யோசிப்போம். நளினி கூறுவது உண்மையாக இருந்தால், இந்தப் பதினேழு ஆண்டுகளும் அவர் சிறையில் இருப்பதற்கு யார் பொறுப்பேற்பார்கள்? அவர்களால் நளினி தனது வாழ்க்கையில் இழந்து போன இந்தப் பதினேழு ஆண்டுகளையும் அவருக்குத் திருப்பித் தர முடியுமா?

***

இந்தக் கொலை வழக்கில் நடந்த வேறொரு பிரச்சினையைப் பார்ப்போம்.

1991-இல் ராஜீவ் காந்தி கொலை செய்யப் பட்டார். இந்த வழக்கை விசாரித்த விசாரணை நீதி மன்றத்தில் (Trial Court) 1998-இல் 26 பேருக்கு தூக்குத் தண்டனை விதித்து தீர்ப்பளிக்கப் பட்டது. இந்தத் தீர்ப்பு குற்றவாளிகள் எனக் கருதப்பட்டோரின் வாக்குமூலங்களை அடிப்படையாகக் கொண்டே வழங்கப் பட்டது. ஆனால் இந்த வாக்குமூலங்கள் பெரும்பாலும் போலீஸாரின் அச்சுறுத்தலால் அவர்களிடமிருந்து பெறப் பட்டிருக்கின்றன. இதை நான் சொல்லவில்லை. அம்னெஸ்டி இன்டர்நேஷனல் அமைப்பு சொல்கிறது. குற்றம் சுமத்தப்பட்டவர்களின் வழக்குரைஞர்கள் இதை "நீதியின் படுகொலை" என்று வர்ணித்தனர்.

நீதிமன்ற அவமதிப்பு என்ற ஒரு பூதம் பயமுறுத்திக் கொண்டிருப்பதனாலேயே இந்தியாவில் யாரும் நீதிமன்றத் தீர்ப்புகளைப் பற்றிக் கருத்துச் சொல்வதில்லை என்பதையும் இங்கே நாம் கவனத்தில் வைத்துக் கொள்ள வேண்டும். 1999-இல் உச்ச நீதிமன்றத்தில் மூன்று நீதிபதிகளைக் கொண்ட பென்ச் இந்த வழக்கில் தீர்ப்பளித்தது. நளினி, முருகன், சாந்தன், பேரறிவாளன் என்ற நால்வருக்கும் மரண தண்டனை விதிக்கப் பட்டது. இதிலும் கூட ஒரு நீதிபதி (நீதிபதி தாமஸ்) நளினிக்கு மரண தண்டனை அளிப்பதற்குச் சம்மதிக்கவில்லை. இருப்பினும் பெரும்பான்மை நீதிபதிகளின் கருத்துக்கு இணங்கவே நளினிக்கும் மரண தண்டனை விதிக்கப் பட்டது. இது தவிர, மூன்று பேருக்கு ஆயுள் தண்டனை. இது போக மீதி 19 பேர் அவர்கள் மீதான குற்றம் சரிவர நிரூபிக்கப் படவில்லை என்றும், விசாரணை நீதி மன்றத்தில் அவர்கள் மீது மரண தண்டனை விதிக்கப்பட்ட போது இவ்விஷயத்தில் பின்பற்றப் பட வேண்டிய சில அடிப்படையான நியதிகள் பின்பற்றப் படவில்லை என்றும் கூறி விடுதலை செய்யப் பட்டனர்.

இங்கே நாம் ஒரு முக்கியமான விஷயத்தைக் கவனிக்க வேண்டும். கீழ் கோர்ட்டில் 5 ஆண்டுகள் தண்டனை விதிக்கப் பட்டு, பாதிக்கப் பட்டவர்கள் மேல் கோர்ட்டில் முறையீடு செய்யும்போது அங்கே அந்தத் தண்டனை ரத்து செய்யப் படுவது அல்லது சில ஆண்டுகள் குறைக்கப்படுவது என்பது வேறு; கீழ் கோர்ட்டில் ஒரே வழக்கில் மரண தண்டனை விதிக்கப் பட்ட 26 பேரில் வெறும் 4 பேருக்கு மட்டுமே அந்த மரண தண்டனை உறுதி செய்யப்பட்டு, மீதி 3 பேருக்கு ஆயுள் தண்டனையும், மற்ற 19 பேர் ஒரேயடியாக விடுதலையே செய்யப்படுவதும் நம்முடைய நீதிமுறையையே கேள்விக்குறியாக்குகிறது. இது பற்றி நம்முடைய முன்னாள் உச்சநீதிமன்ற நீதிபதி கிருஷ்ணய்யர் போன்றவர்கள் கருத்துத் தெரிவிக்க வேண்டும் என்று கருதுகிறேன்.

இந்தியாவில் இது போன்று மக்களால் பெரிதும் நேசிக்கப்பட்ட பெருந்தலைவர்களின் கொலை வழக்குகளில் தீர்ப்பு வழங்கப் படும்போது அத்தீர்ப்பை Public sentiment என்பதே பெரும்பாலும் தீர்மானிப்பதாக இருந்து வருகிறது. இது இந்திய நீதித் துறையின் மீதான நம்பிக்கைக்குப் பாதகமாகவே முடியும். உதாரணமாக, ராஜீவ் கொலை வழக்கில் மரண தண்டனை விதிக்கப் பட்ட சாந்தி, செல்வலட்சுமி என்ற இருவரையும் வழக்கிலிருந்து விடுவித்து நீதிபதி தாமஸ் தனது தீர்ப்பில் இவ்வாறு கூறுகிறார்: சாந்தி ஜெயகுமாரின் மனைவி. (Except the fact that she accompanied her husband from Sri Lanka in September 1990 and continued to live with him in India we are unable to find any involvement for her in the conspiracy to murder Rajiv Gandhi. Learned Special Judge has considered her case, tagging it with her husband's case... We have not come across any material, apart from her living with her husband..., to suggest that she had any role in the conspiracy. It is very unfortunate that for the role played by her husband she has been sentenced to death). 1990 செப்டம்பர் மாதம் ஸ்ரீலங்காவிலிருந்து சாந்தி தன் கணவருடன் இந்தியா வந்து அவருடன் வாழ்ந்ததைத் தவிர ராஜீவ் காந்தி கொலையில் அவருக்கு ஏதேனும் தொடர்பு இருக்கிறதா என்பதற்கு ஆதாரம் இல்லை. இவ்விஷயத்தில் அவர் கணவருக்கு இருந்த தொடர்பினால் மட்டுமே அவருக்கும் மரண தண்டனை விதிக்கப்பட்டிருப்பது மிகவும் துரதிர்ஷ்டவசமானது."

மேலே கூறப்பட்டுள்ள தீர்ப்பு வாசகங்களுக்கு எந்த விளக்கமும் தேவையில்லை என்று நினைக்கிறேன். இப்படிக் கற்பனை செய்து பார்ப்போம். நான் ஒரு எழுத்தாளன். என்னைப் பார்க்க இலங்கையிலிருந்து இரண்டு வாசகர்கள் வந்து, என் எழுத்து பற்றி சிலாகித்துப் பேசி என்னுடன் ஓரிருநாள் தங்கிவிட்டுச் செல்கிறார்கள். பின்னர் அவர்கள் ஒரு அரசியல் தலைவரைக் கொலை செய்து விடுகிறார்கள் என்பதற்காக என்னையும் அவர்களோடு சேர்த்துத் தூக்கில் போட முடியுமா, சொல்லுங்கள்? நளினி விஷயத்தில் நடந்திருப்பது அதுதான். வழக்கிலிருந்து விடுவிக்கப் பட்ட மீதி 19 பேர் விஷயத்தில் நடந்ததும் அதுதான்.

மேலும், போலீஸ் அதிகாரிகளிடம் தரப்படும் வாக்குமூலங்கள் குற்றம் சாட்டப்பட்டோருக்கு எதிரான ஆதாரமாக எடுத்துக் கொள்ளப்படக் கூடாது என்கிறது Indian Evidence Act 1872. காரணம், இது போன்ற வாக்குமூலங்கள் பெரும்பாலும் சித்திரவதை செய்வதன் மூலம் வாங்கப் படுவவை. ஆனால், இந்த வழக்கில் முக்கிய ஆதாரமாக எடுத்துக் கொள்ளப் பட்டவை இவர்களிடமிருந்து பெறப்பட்ட வாக்குமூலங்கள்தான். "இந்த வாக்குமூலங்களில் சொல்லப் பட்டவை எதையும் நாங்கள் சொல்லவில்லை; வெறும் வெள்ளைக் காகிதங்களில் எங்கள் கையொப்பம் மட்டுமே வாங்கப்பட்டன" என்று நீதி மன்றத்தில் சொன்னார்கள் ராஜீவ் கொலை வழக்கில் குற்றம் சாட்டப்பட்டவர்கள்.

***

"நளினிக்கு விதிக்கப்பட்ட தூக்குத் தண்டனையை, ஆயுள் தணடனையாகக் குறைக்க எனது தாய் சோனியா முயற்சி எடுத்தார். கோபம், வெறுப்பு மற்றும் வன்முறை ஆகியவற்றின் மீது எனக்கு நம்பிக்கை இல்லை. எனது வாழ்க்கையில் இந்த விஷயங்கள் மேலோங்க எப்போதும் நான் அனுமதித்தது இல்லை. இந்தச் சந்திப்பு எனது சொந்த விருப்பத்தின் பேரில், தனிப்பட்ட முறையில் நடந்த ஒன்று" என்ற ப்ரியங்காவின் கூற்று நம்முடைய மதிப்புக்குரிய ஒன்று. இப்பண்பு நம்முடைய இந்திய அரசியல்வாதிகளிடம் காணக் கிடைக்காத ஒரு அந்நிய சமாச்சாரம். ஆனால், ப்ரியங்காவுக்கு இந்தக் கொலையின் உண்மையான பரிமாணங்கள் தெரியுமா? அல்லது, குறைந்தபட்சம் அவர் நீதிபதி தோமஸின் தீர்ப்பை வாசித்திருக்கிறாரா?

ராஜீவ் காந்தி கொலை எதனால் நடந்தது? அதன் வரலாற்றுப் பின்னணிகள் என்ன?

1987-ஆம் ஆண்டு இந்திய அமைதிப் படையை ராஜீவ் காந்தி இலங்கைக்கு அனுப்பியதற்கு அவர் கொடுத்த மிக அதிக பட்ச விலை அவருடைய உயிர். தாத்தா பாட்டிகளையே பிரதம மந்திரிகளாகப் பார்த்து வந்த நமக்குக் கிடைத்த ஒரே இளைய பிரதமராக இருந்தார் ராஜீவ். உலகின் எந்த நாட்டையும் விட தொலைத் தொடர்புத் துறையில் இந்தியா முன்னணியில் நிற்பதற்கும் அவரே காரணம். ஆனால், அவர் செய்த மிகப் பெரிய தவறு அவருடைய உயிரை பலி வாங்கி விட்டது. 1987 இலிருந்து 1990 வரை இலங்கையிலிருந்த இந்திய அமைதிப் படையில் சுமார் 2000 பேர் இறந்திருப்பார்கள். இதேபோல் பல மடங்கு இழப்பு ஈழத் தமிழர்களுக்கு இந்திய அமைதிப் படையால் ஏற்பட்டது.

"இந்திய அமைதிப் படையால் இலங்கைத் தமிழர்களுக்கு எந்தப் பாதகமும் ஏற்படக் கூடாது என்றும், அதற்காக எவ்வித தியாகத்தை ஏற்றுக் கொள்ளவும் அவர்கள் தயாராக இருக்க வேண்டும் என்றும் இந்திய அமைதிப் படைக்கு அறிவுறுத்தப் பட்டிருக்கிறது. இது குறித்து மிகக் கடுமையான ஒழுங்கையும், கட்டுப்பாட்டையும் அவர்கள் கடைப்பிடித்து வருகிறார்கள்." இது அப்போதைய இந்தியப் பிரதமர் ராஜீவ் காந்தி 9.11.1987 அன்று பாராளுமன்றத்தில் பேசியது. ஆனால், யாழ்ப்பாணத்தில் உள்ள வல்வெட்டித்துறையில் 8.2.1989 அன்று நடந்தது என்ன தெரியுமா?

லண்டன் ·பினன்ஷியல் டைம்ஸ் பத்திரிகையில் 17.8.1989 அன்று ஒரு நிருபர் எழுதியிருப்பது இது:

"வல்வெட்டித்துறையில் இந்திய சிப்பாய்கள் 6 பேர் விடுதலைப் புலிகளால் கொல்லப் பட்டனர். அதனால் கோபமடந்த இந்தியச் சிப்பாய்கள் அந்த ஊரில் கண்ணில் தென்பட்ட அத்தனை பேரையும் சுட்டுக் கொன்றார்கள். கடைகளையும் வீடுகளையும் தீயிட்டுக் கொளுத்தினார்கள். மொத்தம் 120 வீடுகள் தீக்கிரையாயின. 52 உடல்கள் கிடைத்தன. ஊரின் மொத்த ஜனத்தொகையான 15000 பேரில் பாதிப்பேர் ஊரை விட்டு அகதிகளாகக் கிளம்பினர்."

24.8.1989 தேதியிட்ட இந்தியன் எக்ஸ்பிரஸ் இதழில் ரீட்டா செபஸ்தியன் என்பவரும் இதே சம்பவத்தைப் பற்றி விரிவாக எழுதியிருக்கிறார். 'இந்திய மைலாய்' என்று வர்ணிக்கப்பட்டது இச்சம்பவம். இது வெறும் ஒரு நாள் சம்பவம். இதுபோல் 1987-90 என்ற மூன்று ஆண்டுகளில் ஆயிரக் கணக்கான துயர சம்பவங்கள் நடந்தன. சுமார் 3000 தமிழர்கள் இந்திய அமைதிபடையால் கொல்லப் பட்டனர். துயரம், வெறும் உயிரிழப்போடு மட்டும் போகவில்லை; பல நூறு தமிழ்ப் பெண்கள் வன்கலவி செய்யப்பட்டனர். அப்போதே தமிழ்நாட்டில் மிகப் பரவலாக ராஜீவ் காந்தியின் உயிருக்கு ஏற்பட்டிருக்கும் ஆபத்து பற்றி பொது மக்களிடையே பேசிக் கொள்ளப்பட்டது. ஏனென்றால், தமிழர்கள் என்று மட்டும் அல்ல, எந்த ஒரு இனமுமே தங்கள் பெண்களின் கண்ணியத்தைத் தங்கள் உயிரையும் விட உயர்ந்ததாகக் கருதும் பண்பைக் கொண்டதுதான். இந்திய அமைதிப் படையினரால் நேர்ந்த உயிரிழப்புகள் பற்றியும், தங்கள் பெண்களுக்கு நேர்ந்த கொடுமைகள் பற்றியும் நான் எத்தனையோ நூற்றுக்கனக்கான கண்ணீர்க் கதைகளைக் கேட்டிருக்கிறேன். மேலும், ஈழத் தமிழர்களால் இலங்கை ராணுவத்தினரின் கொடுமைகளைப் புரிந்து கொள்ள முடிந்தது. ஆனால், இந்தியா அவர்களுடைய நேச நாடு. அவர்களுடன் ரத்த உறவு கொண்ட தமிழர்கள் வாழும் நாடு. இந்தியா தங்களுடைய இனப் போராட்டத்துக்கும், ஈழ விடுதலைக்கும் தோள் கொடுக்கும் என்று நம்பிக் கொண்டிருக்கும் மக்கள் அவர்கள். அப்படிப் பட்ட ஒரு தேசத்திலிருந்து வந்த படை தங்களையே கொன்று குவிப்பதையும், தங்கள் பெண்கள் வன்கலவி செய்யப் படுவதையும் அவர்களால் தாங்கிக் கொள்ளவே முடியவில்லை. அவ்வாறு பாதிக்கப்பட்டவர்களில் சிலர் தான் தனு போன்ற மனித வெடிகுண்டுகளாக மாறினர். இந்த வரலாறு எல்லாம் இன்று நளினி என்ற பெண்ணிடம் சென்று "என் அப்பாவைக் கொல்வதற்குப் பதிலாக அவரிடம் பேச்சு வார்த்தை நடத்தியிருக்கலாமே? என் அப்பா ரொம்ப நல்லவர்; பிறருக்குக் கெடுதல் செய்ய நினைக்கவே மாட்டார்" என்று கண்கலங்கியபடி கேட்கும் ப்ரியங்காவுக்குத் தெரியுமா?

இங்கே மற்றொரு பிரச்சினையையும் நாம் கவனிக்க வேண்டும். உலகில் எந்த ஒரு ராணுவமாக இருந்தாலும் சரி, ராணுவத்தினரின் உளவியல் என்பது தனிவகைத்தானது. ஒரு குடும்ப உறுப்பினர்களைப் போலவே இயங்கக் கூடியது அவர்களின் உளவியல். அவர்களுக்கு பாராளுமன்றத்தில் ராஜீவ் காந்தி தங்களைப் பற்றிப் பேசியதோ, தங்கள் நன்னடத்தை பற்றி அவர் கொடுத்த சான்றிதழ் பற்றியோ எதுவும் தெரியாது. அவர்கள் இருப்பது ஒரு அந்நிய பூமியில். எதிரிக்கும் அவர்களுக்கும் எந்தச் சம்பந்தமும் கிடையாது. அவர்கள் தங்கள் தேசத்தைக் காப்பற்றுவதற்காக அங்கே வந்திருக்கவில்லை. அரசியல் திருப்பங்களில் பலி கொடுக்கப் படுவதற்காக அனுப்பப் பட்டிருக்கும் காலாட்படை சதுரங்கக் காய்கள் அவர்கள். அப்படிப்பட்டவர்கள், தங்களில் சிலர் யாரோ முகம் தெரியாதவர்களால் கொல்லப் படும்போது அப்படித்தான் எதிர்வினையாற்றுவார்கள். அதுதான் எதிர்பார்க்கக் கூடியதுமாகும். எனவே, தவிர்க்கப் பட்டிருக்க வேண்டியது என்னவென்றால், இந்திய அமைதிப் படையே இலங்கைக்கு அனுப்பி வைக்கப் பட்டிருக்கக் கூடாது என்பதுதான்.

இவ்வளவு பெரிய துயர சரித்திரத்தைப் பற்றிய எந்தப் பிரக்ஞையும் இல்லாமல் நமது பத்திரிகைகள் இன்று 'பிரியங்காவும் அழுதார்; அவரைப் பார்த்து விட்டு நளினியும் அழுதார்' என்று தொலைக்காட்சி சீரியலுக்கு கதை வசனம் எழுதுபர்வகளாக மாறி விட்டது மிகவும் பரிதாபத்திற்குரிய ஒன்றாகும்!

***

இந்தக் கட்டுரை கலா கௌமுதியில் சென்ற வாரம் வெளி வந்தது. தமிழ்ப் பத்திரிகை எதிலும் வெளி வரவில்லை என்பது மிகவும் துரதிர்ஷ்டவசமானது.

--சாரு நிவேதிதா

http://charuonline.com/may2008/piriyanka.html

நடமாடிய பல்கலைககழகம்

2008-02-27T21:27:00.000-08:00

நடமாடும் பல்கலைகழகம் என கொண்டாடப் பட்ட சுஜாதா இன்று இல்லை.
இளைஞர்களை அதிகம் கவர்ந்த எழுத்தாளர். தமிழ்நாட்டின் மூலை முடுக்கெல்லாம் கணிணியை அறிமுகப்படுத்தியவர்.
அவருடைய நாவல்கள் ஏற்படுத்திய தாக்கத்தால் தான் கணிப்பொறி கல்வி பயல வேண்டும் என்ற ஆவல் என்னுள் எழுந்தது. இந்த வகையில் அவருக்கு நான் கடமைப் பட்டவனாகின்றேன். தமிழில் கதையோடு அறிவியல் சொன்ன ஒரே எழுத்தாளர் சுஜாதா மட்டும் தான்.
அவருடைய சினிமா வசனங்களிலும், கற்றதும் பெற்றதும் தொடரிலும் பல முரண்பாடுகள் இருக்கத்தான் செய்தன.இருந்தும் அவருடைய எழுத்தின் ஆளுமை இந்த காரணங்களால் மட்டுப்பட்டு விடாது.
விளையாட்டாக நான் அடிக்கடி சொல்லும் ஒரு விசயம்“சுஜாதா இறந்தால் அவருடைய மூளையை எடுத்து museum ல் வைத்து பாதுகாக்கப்பட வேண்டும் என்று”
உலகத்தில் எதையும் விட மரணம் வலிமையானதுசுஜாதாவுக்கு என் அஞ்சலி

கல்லூரிக்கு போகலாம்

2007-12-29T04:52:00.000-08:00

இடஒதுக்கீட்டிற்கு எதிராக படம் எடுத்த சங்கரின் கூடாரத்திலிருந்து இடஒதுக்கீட்டிற்கு ஆதரவான வசனங்களுடன் ஒரு படம் வெளிவந்திருப்பது விந்தை தான்.

படத்திலே பாராட்ட பல விசயங்கள் இருந்தாலும் இந்த வசனம் தான் பாலாஜி சக்திவேலின் சமூகப் பார்வையை உணர வைத்தது.

நாயகி நாயகனிடம் சொல்கிறாள்
"முத்து நான் படிக்கறது பெரிய விசயம் இல்ல. ஏன்னா எங்க தாத்தா Judge, எங்க அப்பா IG .நீ படிக்கறது தான் முக்கியம்"

இதில் கவனிக்க வேண்டிய விசயம் என்னவென்றால் நாயகி உயர்ஜாதி என்று சொல்லப் படுகின்ற வகுப்பைச் சார்ந்தவள்.

இந்த படம் பார்த்த அன்று காலையில் தான் கலைஞர் டிவியில் பாலாஜி சக்திவேலின் பேட்டியைப் பார்த்தேன்.
அவருக்கும் சங்கருக்கும் பல நேரங்களில் மனஸ்தாபங்கள் ஏற்படுமாம். அதுவும் முக்கியமாக சங்கரின் படங்களில் வரும் கதாநாயகன் ஒரு குறிப்பிட்ட சமூகத்தைச் சேர்ந்தவனாக காட்டப்படுவதில் இருவருக்கும் அடிக்கடி சிறு சிறு சண்டைகள் ஏற்படுமாம்.

இனி படத்திற்கு வருவோம்

எதார்த்ததிற்கும் தமிழ் சினிமாவிற்கும் எப்போதும் தூரம் அதிகம்.
தமிழ் சினிமாவின் பிரம்மாக்கள் என்று சொல்லிக் கொள்ள கூடிய மணிரத்னம், பாரதிராஜா மற்றும் பலரும் கூட கமர்சியல் என்ற சகதியில் சிக்கி கரையேர முடியாமல் போனவர்கள் தான்.

முதலில் கதாபாத்திர தேர்வு. எங்கிருந்து பிடித்தாரோ இத்தனை அப்பட்டமான கல்லூரி மாணவர்களை. நகைச்சுவைக்கு கூட செயற்கையாய் நடிக்கவில்லை அவர்கள்.

அடுத்து நாயகனின் தங்கையாக வரும் அந்த சிறுமி. அந்த முகத்தில் நிறைந்திருப்பதெல்லாம் அப்பாவித்தனம் மற்றும் வறுமை. படத்தைப் பார்த்து பல நாட்கள் ஆனாலும் அந்த முகம் மனதை விட்டு அகலாமல் இருக்கிறது.

ஒரு திருமண விழாவிலே நாயகியை பாட மேடைக்கு அழைப்பார்கள். மற்ற இயக்குனராக இருந்திருந்தால் ஆஹா அருமையான சிச்சுவேசன் என்று இந்த இடத்தில் ஒரு புது பாடலை போட்டிருப்பார்கள். ஆனால் பாலாகி சக்திவேல் அந்தத் தவறை செய்யவில்லை. வெகு இயல்பாய் நாயகி மேடை ஏறி பழைய பாடலான "உன் பார்வையில் ஓராயிரம் கவிதை நான் எழுதுவேன்" என்ற பாடலை முழுவதுமாகப் பாடி முடிப்பது கவிதை.

இடையில் நண்பர்களுக்கிடையேயான ஊடல், கலாட்டா போன்ற விசயங்கள் இயல்பாய் காட்டப்படுகின்றன.

தருமபுரியில் நடந்த பேருந்து எரிப்பு சம்பவம் போன்று இறுதியில் வரும் கிளைமேக்ஸ் யாரும் எதிர்பாராத ஒன்று தான். இது போன்ற விபத்துக்கள் வர போகிறேன் என்று சொல்லி வைத்துக் கொண்டா வரும்.
இருந்தும் மிகக் கொடுமையான காட்டுமிராண்டித் தனம் அரங்கேறி அதற்கான தண்டனையும் அறிவிக்கப்பட்ட இந்த நேரத்தில் அதை திரும்பவும் எண்ணிப் பார்ப்பது
இறந்த உயிர்களுக்கு நாம் செலுத்தும் அஞ்சலியாக இருக்கட்டும்.

எழுத்தும் எதிர்ப்பும் தஸ்லிமா நஸ் ரீன்

2007-09-10T01:22:00.000-07:00

எழுத்தும் எதிர்ப்பும்
களந்தை பீர்முகம்மது

தஸ்லிமா நஸ் ரீன் அண்மையில் மதவாதிகளால் தாக்கப்பட்டிருக்கிறார். ஹைதராபாத்தில் அவருடைய நூலின் மொழியாக்கம் வெளியிடப்பட்டபோது, இந்தத் தாக்குதல் நடந்துள்ளது. தாக்குதல் நடத்தியவர்கள் சாதாரணமானவர்கள் அல்ல. தாக்கிய நபர்களின் அந்தஸ்து சாதாரணத் தொண்டர்களில் இருந்து சட்டமன்ற உறுப்பினர்கள் என்கிற நிலைக்கு உயர்ந்துள்ளது. மதவாதம் தன்னைப் புதுப்பித்துக்கொண்டே வரும்போது, தன் மேம்பாட்டை உணர்த்திக்கொள்வதற்கான அடையாளமாகத் தன் அடியாள்களின் நிலையையும் உயர்த்திக் கொள்ளும் போலும்

இந்தத் தாக்குதல் எல்லோரையும் அதிர்ச்சிக்கு உள்ளாக்கியுள்ளது. ஆனாலும் ஆறுதலான செய்தியும் இல்லாமலில்லை. குடியரசுத் துணைத் தலைவராகத் தேர்ந்தெடுக்கப்பட்டிருக்கின்ற ஹமீத் அன்சாரிக்கு, தன் கண்டனத்தைப் பதிவுசெய்வதுதான் முதல் வேலையாக அமைந்துள்ளது. வெற்றிபெற்றபின் நிருபர்களுக்கு மத்தியில் தோன்றிய அவர், வேறெந்தப் பின்விளைவுகளையும் மனத்தில் கருதாது உடனடியாகவே செயல்பட்டிருப்பது நல்ல செய்தி.

லஜ்ஜா நாவலை எழுதியது முதற்கொண்டே தஸ்லிமாவுக்குச் சோதனைக் காலம் ஆரம்பமாகிவிட்டது. அந்த நாவல் உரிய முறையில் புரிந்துகொள்ளப்படாதது பெரிய சோகம். முஸ்லிம்களின் சில தவறான நடைமுறைகளுக்கு எதிராக அவர் குரல் கொடுத்திருப்பதையும் மத அடிப்படைவாதிகளால் பொறுத்துக்கொள்ள முடியாமல் போய்விட்டது. மேலும், ஒரு பெண்ணின் எதிர்ப்பும் எழுத்துக்களும் எந்தவொரு மதத்தின் நியாயசபையிலும் ஏற்றுக்கொள்ளப்படுவதில்லை. ஒரு பரிசீலனைக்குரிய விசயமாகக்கூட அவை கருதப்படமாட்டா. மனித சக்திக்கு மீறிய கால ஓட்டத்தினால்தான் எல்லா மதங்களின் அடிப்படைவாதிகளும் 21ஆம் நூற்றாண்டில் வந்து விழுந்துகிடக்கிறார்களே தவிர, தம் சிந்தனை மரபுகளாலும் நாகரிக உந்துதலினாலும் இங்கு இன்னும் அவர்கள் வந்து சேரவில்லை. அதனால்தான் கலை வெளிப்பாடுகளும் கருத்து வெளிப்பாடுகளும் தொடர்ந்து தாக்குதலுக்கு உள்ளாக்கப்படுகின்றன. தஸ்லிமா நஸ்ரீன்மீதான தாக்குதலில் சம்பந்தப்பட்டவர்கள் இந்த மாறாத உண்மையைத்தான் மீண்டுமொருமுறையாக உணர்த்தியுள்ளார்கள். மஜ்லிஸ் இதேஹதுல் முஸ்லிமின் என்னும் அமைப்பின் சட்டமன்ற உறுப்பினர்கள் நாகரிகச் சந்தையில் வேறு எதையும் கொள்முதல் செய்பவர்களல்ல. அவர்களிடம் நிரந்தரமாகத் தங்கியிருப்பது கும்பல்ரீதியாகச் செயல்படும் கோழைத் தனமே!

இப்படியொரு மத அடிப்படைவாதத் தன்மையை அவர்கள் ஆண்டுக்காண்டு புதுப்பித்துக்கொண்டிருப்பது மதத்தின் மீதான பற்றுதலினால் அல்ல; குர்-ஆனின் மீதான மரியாதையினாலும் அல்ல! இவற்றின் மீதான புரிதலை அவர்கள் வளர்த்துக்கொண்டிருந்தால், தஸ்லிமா நஸ்ரீனுக்கு எதிராக எழுதும் இன்னொரு பேனா அவர்கள் கைக்கு வந்து சேர்ந்திருக்கும். எப்போது மாற்றுக்கருத்துகளை மக்கள் புரிந்துகொள்ளும்படி சொல்ல முடியவில்லையோ அப்போதெல்லாம் தாக்குதல் மட்டுமே அடிப்படைவாதிகளுக்குக் கைவந்தகலையாக இருக்கின்றது. புரிந்து கொள்ளும்படி சொல்ல முடியாத காரணம் என்ன? மாற்றுக்கருத்துகளை அவர்களால் குர்-ஆனிலிருந்தும் ஹதீஸிலிருந்தும் பெறமுடியாமல் போவதே சரியான காரணம். குர்-ஆனையும் ஹதீஸையும் காலங்காலமாக வாசித்துக்கொண்டிருப்பது ஆணாதிக்கம் மட்டுமே! ஆண்கள் நிரம்பிய சபைகளில் ஆண்கள் மாத்திரம் நிகழ்த்தும் மார்க்க உரைகள் ஒரு சிற்றோடைபோலவே முஸ்லிம் சமூகத்தை வந்து சேருகின்றது. பல்வேறு தரப்பினருக்கும் இது போதாமையாகவே இருக்கின்றது.

ஒரு சமூகத்தின் பிரதிநிதிகளாக மத அடிப்படைவாதிகள் முன்னகர்ந்து வரும்போது, அங்கு வேறெந்தவிதமான தர்க்க நியாயங்களுக்கும் இடமிருப்பதில்லை; அவர்கள் ஆண்களாகவே இருப்பது கூடுதல் கெட்ட அம்சம்! தஸ்லிமா நஸ்ரீனின் பெண்ணுரிமைக் கருத்துகள் நான்குகால் பாய்ச்சலைக் கொண்டவை. அவை தவறானவை எனச் சமூகம் கருதினால், அதற்கான காரணமும் சமூகத்தின் நடைமுறைகளுக்கு உள்ளேதான் உள்ளது. இதைச் சமூகம் திருத்திக்கொள்ள முன்வர வேண்டும்

தஸ்லிமா நஸ்ரீனின் மீதான தாக்குதல் நடந்த இந்தக் காலகட்டத்தை ஒருமுறை சிந்தித்துப் பாருங்கள். முஸ்லிம்களின் வாழ்வு நாலாத் திசைகளிலிருந்தும் பெரும் தாக்குதலுக்கு உள்ளாகியிருக்கின்றது; இவர்களோ தஸ்லிமாவைத் தாக்கிக்கொண்டிருக்கிறார்கள். முஸ்லிம் சமூகத்தை அப்பட்டமாகப் படம்பிடித்துக் காட்டிய சச்சார் குழு அறிக்கை, அதன் தொடர்பாக எழுந்த இட ஒதுக்கீடு சம்பந்தமான பலத்த கூக்குரல், மும்பைக் குண்டுவெடிப்புகளில் ஏராளமான முஸ்லிம்கள் மரணதண்டனை முதல் ஆயுள் தண்டனைவரை பெற்றிருப்பது, இதுபோன்ற தண்டனைகளை எதிர்பார்த்துக்கொண்டிருக்கும் கோவைக் குண்டு வெடிப்புக் குற்றவாளிகள், முஸ்லிம்கள்மீது மட்டுமே திரும்பத் திரும்பக் குத்தப்படும் பயங்கரவாத முத்திரை, இந்தியப் பாதுகாப்புத் துறையும்-மாநிலக் காவல் துறைகளும் முஸ்லிம்கள்மீது மேற்கொள்ளும் என்கவுன்ட்டர்கள், காஷ்மீர்ப் பிரச்சினை, ஈராக்-ஈரான்-ஆப்கன்-எல்லாவற்றுக்கும் மேலான நிரந்தர பாலஸ்தீனப் பிரச்சினை, ஆஸ்திரேலியாவில் டாக்டர் ஹனீஃப் நடத்தப்பட்ட விதம் என இவையெல்லாமும் பின்னிப் பிணைந்து முஸ்லிம்களை வதைத்துக்கொண்டிருக்கின்றன. ஒவ்வொரு முஸ்லிமும் உலகப் பயங்கரவாதியாகச் சித்திரிக்கப்பட ஒரு தூசு அல்லது துரும்பு போதும்! ஆனால், இங்குள்ளவர்களும் வேறெங்கு உள்ளவர்களும் மத அடிப்படைவாதப் பிரச்சினைகளில் மட்டுமே இணைகிறார்கள்; போராடுகிறார்கள். மும்பை, கோவைக் குண்டு வெடிப்புகளில் தீர்ப்புகள் வெளிவந்திருக்கும் இச்சமயத்தில், முஸ்லிம்கள் அரசியல் விழிப்புணர்வு பெற வேண்டிய காரணிகள் உள்ளன. அந்த இரண்டு நகரங்களிலுமான குண்டு வெடிப்புகளுக்கு முன்னாலும் அந்நகரங்களில் பயங்கரமான வன்முறைகள் வெடித்துக் கிளம்பின. அவற்றில் நூற்றுக்கணக்கான முஸ்லிம் பெண்கள் வன்புணர்ச்சிகளுக்கு ஆளாயினர்; முஸ்லிம் மக்களின் சொத்துகள் அழிக்கப்பட்டன; அவர்கள் வேறிடங்களுக்கு விரட்டப்பட்டார்கள். பலர் ஊனமடைந்தனர். ஆனால், இத்தகைய கொடூரங்களுக்கு இன்னும் வழக்குகள் பதிவாகவில்லை; குற்றப் பத்திரிகைகள் இல்லை; விசாரணை இல்லை! நீதி இல்லை. ஆனால், இதற்குப் பின்னர் நடந்தவற்றிற்கு எல்லாம் முடிந்து மரண தண்டனைவரை வந்தாகிவிட்டது. மும்பைக் கலவரங்களை விசாரித்து எல்லா உண்மைகளையும் கோரங்களையும் வெளிப்படையாக அறிவித்திருக்கின்றது ஸ்ரீ கிருஷ்ணா கமிஷனின் அறிக்கை. இதற்கெல்லாம் முஸ்லிம்கள் போராடியே தீர வேண்டிய நெருக்கடி இருக்கின்றது; நீதி நியாயங்களைக் கோரிப்பெறும் அவசியம் இருக்கின்றது. ஆனால், இந்தப் போராட்டங்களை முன்னெடுக்க, நீதியின் குரலை முழக்க இன்று இங்கே எந்த இஸ்லாமிய அமைப்பும் இல்லை. எந்த முஸ்லிம் ஜமாத்தும் தீர்மானங்கள் நிறைவேற்றவில்லை. யாருக்கும் அதைப் பற்றிய அக்கறையில்லை. ஆனால், தஸ்லிமாவை அடித்து விரட்டும் அளவுக்கு இங்கே வீரம் மண்டிக்கிடக்கின்றது.

இது போன்ற மற்றொரு பிரச்சினையில் கவிஞர் ஹெச்.ஜி. ரசூலின் மீதும் நடவடிக்கை எடுக்கப்பட்டுள்ளது. இஸ்லாத்தில் குடிக் கலாச்சாரம் குறித்த அவருடைய கருத்தரங்கக் கட்டுரைக்காக ஊர்விலக்கம் செய்யப்பட்டிருக்கிறார் ஹெச்.ஜி. ரசூல். அவருடைய கட்டுரை மறுக்கப்படவோ தவறானது என்று சுட்டிக்காட்டவோ நிறைய வாய்ப்புகள் உள்ளன. மேலும் இது போன்ற சந்தர்ப்பங்களைப் பயன்படுத்தி இஸ்லாம் குறித்து இன்னும் ஆழமான ஆய்வுகளை மேற்கொள்ளலாம். ரசூல் சுட்டிக்காட்டுகிற அனைத்துமே தக்க ஆதாரங்கள் கொண்டவை என்று அவர் கூறுகிறார். இதனை மேலும் பரிசீலிக்க வேண்டியது அவசியம். நம்மைச் சூழ்ந்துள்ள திருமண உறவு முறைகள், வணிக உறவுகள், அரசியல் தொடர்புகள், மற்றும் பிற நெருக்கடிகளில் இஸ்லாமியக் கோட்பாட்டின் ஏதாவது ஒரு எல்லையை நாம் மீறிக்கொண்டே இருக்கிறோம். ஆனால், அவை கேள்விக்குள்ளாக்கப்படுவதில்லை. மாறாக அதை வெளிப்படுத்தும் கலை, இலக்கிய வடிவங்கள் தாக்குதலுக்கு உள்ளாகி வருகின்றன. முஸ்லிம்கள் எதிர்கொள்கின்ற சமூகச் சூழலில் இதுபோன்ற நடவடிக்கைகள் கடும் சேதங்களையே உண்டாக்கும். ஆய்வுகளை முன்வைப்போர் எதிரிகளாகப் பாவிக்கப்படுவது கடும் தவறு. பண்டைய யுத்த தந்திரங்களிலேயே மூழ்கி மூழ்கி, பொது எதிரியின் அடையாளத்தை மறந்துவிட்ட சமூகமாக முஸ்லிம் சமூகம் ஆகிக்கொண்டிருக்கிறது. தன் நிழலை எதிரியாக்கி அந்நிழலோடேயே சண்டைபோட பயிற்சி கொடுக்கப்படுகின்றது முஸ்லிம் சமூகம். உள் முரண்களுக்கு ஒன்று கூடும் முஸ்லிம்கள், எப்போது வெளி எதிரிகளைப் பார்ப்பார்கள்? சுயமான தங்கள் அரசியல் சக்தியை மீட்டெடுக்கும் அவசியத்தை எப்போது உணர்வார்கள்?

காலச்சுவடு

http://kalachuvadu.com/issue-93/page32.asp

முஸ்லீம் தீவிரவாதிகள் தஸ்லிமாவைத் தாக்கினர்

2007-08-10T05:58:00.000-07:00

எழுத்தாளர் தஸ்லிமா நஸ் ரீன் தாக்கப்பட்டார்

வங்கதேச எழுத்தாளர் தஸ்லிமா நஸ் ரீன், ஐதராபாத்தில் எம்ஐஎம் இயக்கத்தைச் சேர்ந்தவர்களால் தாக்கப்பட்டார்.

எழுத்தாளர் தஸ்லிமா, நேற்று ஐதராபாத்தில் புத்தக வெளியீட்டு விழா ஒன்றில் கலந்து கொண்டார்.

அப்போது விழாவில் கலந்து கொண்ட எம்ஐஎம் (மஜ்லிஸ் இத்தீஹாதுல் முஸ்லிமீன்) அமைப்பைச் சேர்ந்தவர்கள் தஸ்லிமா மீது திடீர் தாக்குதலில் ஈடுபட்டனர்.

விழா அமைப்பினர் மீதும் இவர்கள் தாக்குதல் நடத்தினர்.

அங்கிருந்த நாற்காலிகளை அடித்து நொறுக்கினர். ஜன்னல்கள் மீதும் தாக்குதல் நடத்தினர்.

இதையடுத்து, உடனடியாக போலீசார் சம்பவ இடத்திற்கு வந்து எம்ஐஎம் எம்எல்ஏ.,க்கள் மூவரை கைது செய்தனர்.

பின்னர் பலத்த பாதுகாப்புடன் நஸ்லிமா அழைத்துச் செல்லப்பட்டார்.

நஸ்லிமா 'லஜ்ஜா' என்ற சர்ச்சைக்குரிய புத்தக்கத்தை சமீபத்தில் எழுதி வெளியிட்டார். இதற்கு வங்கதேசம் தடை விதித்தது குறிப்பிடத்தக்கது.

பெண்ணியம்,பேச்சுரிமை, எழுத்துரிமை, தனிமனித சுதந்திரம் என்று எழுதும் பதிவர்களும்
இஸ்லாம் ஒரு அஹிம்சையை போதிக்கும் மதம் என்று பதிவிடுபவர்களும் நிறைந்திருக்கும்
தமிழ்மணத்திலே இந்த செய்தியைப் பற்றி யாருமே மூச்சு விட காணோமே.

தேனூறும் ராகம் நான் பாடும் நேரம்

2007-08-01T03:41:00.000-07:00

தாய்மை உணர்ச்சி மேலிட ஜானகி அவர்கள் லக்ஷிமிகாந்த் பியாரிலால் இசையில்
"உயிரே உனக்காக" படத்தில் பாடிய பாடலைத் தான் இந்த பதிவில் கேட்கப் போகிறீர்கள்

வானில் உள்ள விண்மீன் எல்லாம் கண்ணுங்குகிறதாம் இந்தக் குரலைக் கேட்டு

ஒவ்வொரு அட்சரத்திற்கும் பாவம் கொடுக்கக் கூடியவர் SJ. இந்தப் பாடலிலும்
ஒரு இடத்தில் 'அன்னை நெஞ்சில் சாய்ந்திடுங்கள்' என்று வரும். சாய்ந்திடுங்கள் என்று பாடும் போது
குரலும் அப்படியே சாய்வது போல் இருக்கும்.

இந்தப் பாடலை வெகுவாக ரசிக்க வேண்டும் என்றால் இரவில் உறங்குவதற்கு முன் கேளுங்கள்

உங்கள் தாயோ அல்லது உங்கள் இஷ்ட தெய்வமோ (பெண் தெய்வம்) இந்தப் பாடலைப் பாடுவது போல
கற்பனை செய்துக் கொண்டு பாட்டைக் கேளுங்கள். சொர்க்கம் நிச்சயம்

தேன் குரலில் தேனூறும் ராகம் திகட்டாமல் இருப்பது என்ன அதிசயமோ

ஆரீராரோ ஆரீராரீரோ
ஆரீராரோ ஆரீராரீரோ

தேனூறும் ராகம் நான் பாடும் நேரம்
விண்மீன்கள் வானின் மேலே தூங்குதே....ஏ..ஏ...ஏ...
உல்லாச மேகம் ஊர்கோலம் போகும்....
விண்மீன்கள் வானின் மேலே தூங்குதே........ஏ..ஏ...ஏ...

கண்ணின் மணியே நீயும் உறங்கு
கண்ணின் மணியே நீயும் உறங்கு

ஆடாத தீபம் தான் என் இல்லம்...ம்..ம்..ம்
பூங்காற்றுக்கும் தாங்காது என் உள்ளம்...ம்..ம்..ம்
உன் அன்பாலே பொங்காதோ ஆனந்த வெள்ளம்
கனவுகளே கனவுகளே இரவெனும் தீபம் எரிகின்ற நேரம்
உறவைத் தேடி வாருங்கள் கண்களில்....ல்...ல்..ல்
தென்றல் வீசும் கண்ணுறங்கு
உன்னை நீயே மறந்துறங்கு

தேனூறும் ராகம் நான் பாடும் நேரம்
விண்மீன்கள் வானின் மேலே தூங்குதே....ஏ..ஏ...ஏ...
ராரீரோ ஆரீராரீரோ
கண்ணின் மணியே நீயும் உறங்கு

ஆகாயம் மண் மீது வீழாது...
நம் சொந்தங்கள் எந்நாளும் மாறாது....
இனி என் போன்ற அன்னைக்கு ஏகாந்தம் ஏது
உறவுகளால் ஒரு உலகம்
இது ஒரு தோட்டம் கிளிகளின் கூட்டம்
ஆட்டம் பாட்டம் ஆர்பாட்டம் கேட்கலாம்
அன்னை நெஞ்சில் சாய்ந்திடுங்கள்
இன்னும் கொஞ்சம் ஓய்வெடுங்கள்

தேனூறும் ராகம் நான் பாடும் நேரம்
விண்மீன்கள் வானின் மேலே தூங்குதே....ஏ..ஏ...ஏ...
கண்ணின் மணியே நீயும் உறங்கு
கண்ணின் மணியே நீயும் உறங்கு
ஆரீராரோ ம்ம்ம்ம்ம்ம்ம்ம்
ம்ம்ம்ம்ம்ம் லால லால லா

படம்: உயிரே உனக்காக
இசை: லக்ஷ்மிகாந்த் பியாரிலால்
வெளியான வருடம்: 1985
வரிகள்: வைரமுத்து

பாடலை கேட்க இங்கே க்ளிக்கவும்

UyiraeUnakkaaga-Th...

தேசியகீதம் என்னும் ஸ்லோகம்

2007-04-11T02:46:00.000-07:00

தேசியகீதத்தை அவமானப்படுத்தியதாக இன்போசிஸ் நிறுவனர் திரு.நாராயணமூர்த்தி மீது குற்றம் சாட்டுகிறார்கள் கர்நாடக அரசியல் வாதிகளும் மற்றும் சில தமிழ்நாட்டு அரசியல்வாதிகளும் (இலைக்காரன் உட்பட). முன்னதாக இரண்டு பாயிண்ட்ஸ்

1. மைசூர் இன்போசிஸில் நடந்தது ஒரு அரசு விழா அல்ல
2. திரு.நாராயணமூர்த்தி ஒரு அரசு அதிகாரியும் அல்ல

தேசியகீதம் பாடுவதை வைத்து மட்டுமே ஒருவருடைய தாய்நாட்டுப் பற்றை அளவிட முடியாது.
நாராயணமூர்த்தியை தேசதுரோகி என்று குற்றம் சுமத்தும் வட்டால் நாகராஜ் போன்றவர்கள் இந்தியா ஒரு ஜனநாயக நாடு என்பதையே மறந்து பல ஆண்டுகள் ஆகிறது.
கர்நாடகாவில் வெளிமாநிலத்தவரை குறிப்பாக தமிழர்களை இரண்டாம் தர குடி மக்களாக தான் நடத்தி வருகிறார்கள். தங்கள் மாநிலத்திற்கென தனி கொடி வைத்திருக்கும் ஒரே மாநிலம் கர்நாடகா தான். முக்கிய நிகழ்ச்சிகளில் கர்நாடக கொடி தான் முதன்மை படுத்தப்படும்.

திரு.நாராயணமூர்த்தி அவர்கள் கட்டம் கட்டப்பட்டிருப்பதற்கு சில காரணங்கள்

1. அடுத்த ஜனாதிபதியாக அவர் முன்னிறுத்தப் படுகிறார்
2. இன்போசிஸில் கன்னடர்களுக்காக தனி இடஒதுக்கீடு என்ற கோரிக்கைக்கு அவர் செவி சாய்க்காதது
3. காவேரி இறுதி தீர்ப்பை பற்றிய அவருடைய கருத்து

தேசியகீதத்தின் அர்த்தம் எத்தனை பேருக்கு தெரியும்
இதுவும் பக்தியின் பெயரால் அர்த்தம் தெரியாத சமஸ்கிருத ஸ்லோகங்களை முணுமுணுப்பது போலத்தான்

இன்றைய தத்துவம் 2

2006-07-31T12:14:00.000-07:00

பாக்கு மரத்துல பாக்கு இருக்கும்,தேக்கு மரத்துல தேக்கு இருக்கும்,ஆனா பன மரத்துல பணம் இருக்காது.........

இன்றைய தத்துவம் 1

2006-07-31T12:13:00.000-07:00

கொலுசு போட்டா சத்தம் வரும்.ஆனா,சத்தம் போட்ட கொலுசு வருமா?

இசையரசிகளின் இசை சங்கமம்

2006-07-31T10:16:00.000-07:00

சாதனைகள் பல புரிந்த இசைக் குயில்கள் ஜானகியும் சுசிலாவும் நேற்று மாலை சென்னையில் ஒன்றாக இணைந்து படைத்த இசை விருந்து இன்னமும் காதுகளில் ஒலித்துக் கொண்டிருக்கிறது. சாதகப் பறவைகள் ஏற்பாடு செய்திருந்த இந்த நிகழ்ச்சியில் SPB, MSV & PBS போன்றவர்களும் கலந்துக் கொண்டு குயில்களை வாழ்த்தி பேசினார்கள். "மாணிக்க வீணை ஏந்தும் மாதேவி கலைவாணி" என்ற பாட்டை பாடி சுசிலா அவர்கள் நிகழ்ச்சியைத் தொடங்கி வைத்தார். அடுத்ததாக ஜானகி குரு படப்பாடல் "நான் வணங்குகிறேன் சபையிலே, தமிழிலே" என்ற பாடலுடன் தொடர்ந்தார். அதைத் தொடர்ந்து 'தமிழுக்கும் அமுதென்று பேர்" பாடலை தேனுடன் கலந்து பாட அரங்கமே சொக்கிப் போனது. ஜானகி "புத்தம் புது காலை" பாடலை இனிமை மாறாமல் அப்படியே பாட இவர் குரல் மட்டும் எப்படி சாகா வரம் பெற்றது என்று எல்லோரும் அதிசயித்தனர். பின்னர் இருவரும் சேர்ந்து பாடிய Duet பாடல்கள் தான் எல்லோரையும் வியப்பில் ஆழ்த்தியது. "ராஜாவின் பார்வை ராணியின் பக்கம்" என்ற பாடலை சுசிலாவும் TMS குரலில் ஜானகியும் பாட யாராலும் நம்ப முடியவில்லை. இதே போல "அனுபவம் புதுமை அவரிடம் கண்டேன்" பாடலையும் பாடினார்கள். பிறகு "செந்தூரப் பூவெ" பாடல் தனக்கு மிகவும் பிடித்த பாடல் என்றும் அந்த பாடலை ஜானகியுடன் சேர்ந்து சுசிலா பாடினார். அரங்கில் "தேடினேன் வந்தது" மற்றும் "மச்சான பாத்தீங்களா" பாட்டிற்கு நிறைய பேர் ஆட்டம் போட்டார்கள். பெரும்பாலும் ஜானகி அவர்கள் இளையராஜா வின் இசையிலே தான் பாடிய பாடல்களையே பாடினார். சுசிலா அவர்கள் MSV மற்றும் AM ராஜா இசையமைத்த பாடல்களை பாடினார். ஜானகி "காற்றில் எந்தன் கீதம்" பாடலை பாடும் போது சென்ற முறை இதே அரங்கத்தில் இளையராஜாவின் நிகழ்ச்சியிலே பிழையான உச்சரிப்புடன் shreya goshal இந்த பாடலை கொடுமையாக பாடிய அந்த சம்பவம் மனதிலே வந்து சென்றது. பல அருமையான பாடல்களை இருவரும் மாறி மாறி பாட, இறுதியில் "தூக்கம் உன் கண்களைத் தழுவட்டுமே" என்ற பாடலை பாடி எல்லோரையும் தாலாட்டினார் ஜானகி.

Welcome

2006-05-12T11:52:00.000-07:00

வணக்கம்

--ஸ்ரீசரண்